كفر اتنين تاخد التالت مجانا. الناس كلها عارفة دينها وقادرة الآن على تقييم دين الآخرين وتدينهم، وقد انتقلوا من تقييم ديانات بأكملها إلى تقييم تدين الناس المسلمين أمثالهم. كفر يا سيدى كفر، وأدخل من تشاء الجنة أو النار، دون أن تسأل نفسك أبدا من أعطاك حق دعوته لذلك، ومن أعطاك حق تكفير واحد زيه زيك، وتناسى أصلا أن الجنة والنار بتاعة ربنا مش بتاعة سعادتك. وتناسى أصلا أنك على بعضك لم تضمن أصلا جنة أو نارا لنفسك حتى تضمنها لغيرك، فحتى أبو بكر الصديق رضى الله عنه قال إنه لا يأمن مكر الله، حتى لو كانت إحدى قدميه فى الجنة.
لا أحترم شيوخا لم تقل -ولو مرة- كلمة حق فى وجه سلطان جائر، ثم قالت إن الخروج فى الثورة خروج على الحاكم وحرام، ثم بعد أن وضعت الثورة أوزارها قدموا أنفسهم على أنهم كانوا مع الثورة من اليوم الأول.
لا أحترم من يظن أنه نائب الله على الأرض، ومالك الحقيقة المطلقة، وأن الله هو ربه وحده، وأننا حين نسأل عن الدين يجب أن نرجع له دون غيره. سيجىء وقت على من يصنع إلها من عجوة وشيخا من أسياخ الكراهية ويأكله.. أو يلبسه.
ياليت تخليك فى نفسك و يكون عندك غيرة على دينك و ربك و نبيك و لما تسمع حد بيسب فيهم او بيتهم ربنا انه مش عادل تبقى تعرف ترد وبلاش سفسطة لو سمحت
عندك حق واتفق معك
ما اكثر اللى قاعدين يكفروا الناس عمال على بطال بدون وجه حق مع انهم فى الاول كانوا عاملين زى الانافد مستخبيين فى جحورهم. ودلوقتى بقور زى رسل الجنة والنار اللى معاهم فى الجنة واللى ضدهم فى النار.