اصر احمد شفيق ان مثله الاعلى وقدوته هو مبارك ..
اللى اختار احمد شفيق اكيد ناسى مين هو مبارك بس لو كنت ناسى هفكرك
افكرك ان مصلحة الجمارك 99% من الناس اللى فيها فاسدين ولازم يتم محاسبتهم وهما اللى سمحوا بدخول شحنات قمح فاسد وخضار وفاكهة مسرطنة ومواد مسرطنة تستخدم فى الزراعة . وهما اللى بيدخلوا للبلد دى المخدرات . بما فيهم اللى بيدخل عن طريق المطار .
افكرك ان جهاز المركزى للمحاسبات اغلبهم حزب وطنى وبتيستروا على الفاسدين واولهم جودت الملط اللى بيتستر على كل ما يثبت فساد مبارك وكلابه اللى منهم احمد شفيق
افكرك لما تدهور حال الصحة والتعليم لصالح القطاع الخاص اللى بيدفع رشاوى للوزراء عشان يبقى مميز عن القطاع العام ..
افكرك ان فى ظباط شرطة بيتلذذوا بتعذيب الشباب والبنات اللى منهم اخويا واخوك وابن عمى وابن خالتى وجارى .
افكرك ان فى أم قلبها بيتقطع على ضناها اللى مات فى المعتقل او فى الشارع عشان بيتظاهر ضد الظلم او مات فى السجن من التعذيب او فى مستشفى من اثر الفساد
افكرك ان فى خضار مسرطن وفاكهة مسرطنة لازم تاخديهم من اسرائيل وعينك فى الارض
افكرك يعنى ايه قمح فاسد لازم تاخديه من روسيا او من امريكا ومناخيرك فى الارض
افكرك يعنى تبيع دم ولادك على الحدود عشان الصهاينة يعيشوا فى امان
افكرك يعنى توقع على اتفاقيات لا اتناسب دينك ولا تناسب وضعنا الاجتماعى لمجرد انك اخدت الامر من امريكا ولازم تنفذ زى الكلب
افكرك يعنى متعملش مشروع قومى ناجح .. عشان امريكا بتقولك لاء
افكرك يعنى متزرعش قمح وقطن فى ارضك فى بلدك الا النسبة اللى حددتها لك امريكا .
افكرك ان فى بنات فى سن اختى واختك ممكن اشتغلت فى الدعارة وباعت نفسها بالرخيص عشان تصرف على ام مسنة او تصرف على بيت .
افكرك ان فى اب هاجر ومش بيشوف عياله عشان مش لاقى فى بلده مصدر رزق بسبب التضيق على صغار المستثمرين واعطاء كل الصلاحيات للحيتان الكبار وكمان مفيش وظيفة
افكرك يعنى ايه ثروات بلدك اولى بيها الغريب
افكرك يعنى ايه توقف فى طابو عيش طول اربع ساعات وفى الاخر تحصل على رغيف لا تأكله البهايم فى الدول المحترمة
افكرك يعنى توقف فى طابور انبوبة بتوجاز والغاز بتاعك كانت بتاخده اسرائيل غصب عنك
افكرك يعنى امن الدولة يتجسس عليك وتلاقيه فوق راسك فى نص الليل جاى يسحلك على المعتقل عشان تقعد بالسنيين بدون تحقيق او محامى او قاضى .او حتى محاكمة .
يا ناس .. احنا اكلنا لحم الحمير وشربنا مية المجارى وجالنا المرض والاوبئة وشحتنا تمن الدواء ونمنا على الارصفة فى البرد . وهما كانوا بيغيروا جو فى افخم الفنادق على حسابك يا غلبان
احنا سكنا القبور وهما سكنوا القصور . وفى الاخر تروح برجليك لحد الصندوق وتختار اللى بيقولك ان مثله الاعلى مبارك
لن اقول الا حسبنا الله ونعم الوكيل
