فور انتهاء محاكمة الرئيس السابق محمد حسني مبارك إنهالت التعليقات الساخرة لمستخدمي موقع التواصل الاجتماعي "فيسبوك"، حيث لم يتركوا صغيرة ولا كبيرة فى المحاكمة إلا وتناولوها بطريقة سخرية.تعليقا على طلب فريد الديب سماع شهادة ١٦٣١ بني آدم علق أحد المشاركين في صفحة من النهاردة مفيش حكومة ..أنا الشعب "دة مسلسل مهند ونور أقل من كده".
وعلى صفحة "مصر هي أمي ولا هي بتشتغلنى" كتب المسئول عن الصفحة "محاميين الشووو الاعلامى ..
ولا محامى اتكلم صح..كل واحد يقول اسمه ويمسك فى الميكرفووون.. قريبا: بيدج إحنا آسفين يا
ميكروفون".
"فعلا اللي موجود في القفص ليس مبارك الذى نعرفه والدليل إنه مقالش أيها الإخوة والأخوات فى بداية كلامه..." كان هذا تعليق المسئول عن صفحة (الملتزمين مش ضربين بوز لقدام دول بيعبدوا ربنا وبيهزروا كمان)، في حين علقت أحد المشتركات بالصفحة (أقوال خالدة..عبد الناصر: ما أخذ بالقوة لايسترد إلا بالقوة..السادات: مستعد أن أذهب إلى آخر العالم، الكنيست ذاته..مبارك: موجود يافندم).
وسخرية من أحد المحامين كان تعليق مسئول صفحة "الشعب يريد اسقاط الجهل والتخلف" ما كتبه: "لما يكون محامي محترم و يطلب شهادة " اللواء حسين طنطاوي واللواء سامي عنان " هو سيادة الجهبز ده معاه محو أمية ولا إية أو تقريبا اللواء ده أكبر رتبة سمع عنها..بيجيبوا الناس دى منين ؟؟؟".
لكن صفحة "الحملة القومية لترشيح مرتضى منصور لرئاسة مراجيح مولد النبي".. كتب "نخلـص من
مرتضـي سيديهـات يطلعلنا فريد فلاشات"
وفي الصفحة ذاتها أحد المشاركين:
"الناس الحنينة الرهيفة اللى قلبها قلب خساية
وانت يا حبيبى بتتفرج على محاكمة مبارك
كل ما يصعب عليك مبارك .. جرب تقول...
هـــوووووووووب .. هــوب .. هــوب
عشان الهــوب مبتخليش الدمعه تفط..استرررررجل .. ده نفخنا 30 سنة على صفحة ".... كان تعليق المسئولين عن صفحة انتفاضة مصر 25 يناير 2011 ردا على تعاطف البعض مع مبارك نظرا لحضوره المحاكمة على السرير لسوء حالته المرضية.
وعلى صفحة "مصر هي أمي ولا هي بتشتغلني" كتب أحد المشتركين بالصفحة "القاضى: بعد ما مسكتوا
الميكروفون قررت المحكمة منع حضور الميكروفون الجلسة القادمة..واستدعاء البلوتوث بدلا منه".
وصفحة "من النهاردة مفيش حكومة أنا الشعب" كتب مسئول الصفحة "القاضي مش بيخلي محامي يكمل كلامه ولا يقول معلومة مفيدة..على عكس محامي الدفاع اللي كان سايبهم يعدو اساميهم اللي جايبنها في كشكول 90 ورقة ومديهم مساحة".
ومن أطرف ما جاء على صفحة "صباع اللواء الفنجري" "القاضى بيسأل مبارك بيقوله إيه ردك على
الاتهامات الموجهة لك مبارك رد: أنكرها تماما..طيب مين اللى المتهم؟؟؟..وكتب أحد المشتركين بالصفحة "الشعب مات لوحده" وعلقت يسرا أسامة "أمي وأبويا المتهمين" وكتبت رحاب محمد "إحنا كمسئولين غير مسئولين!!!" وقالت ميرال بشير "جامايكا هو السبب في اللى حصل للبلد 30 سنة"، ورد أخر "هقولكم.. أنا اللى أكلت الجبنة".
وقال محمد عادل "أول مره أسمع صوت حسني مبارك منذ آخر خطاب له..مبارك قال" حاضر يافندم
وأنكر كافة الإتهامات تماما.. والنعمه كان وحشني صوتك يامضروب".
كما كتبت صفحة "ضباط ضد الفساد" حوار للقاضي مع المحامي فريد الديب
الديب: الميكروفون اللي جنبك.
القاضى: لك طلبات أخرى
فريد الديب : لا بس صحابي ليهم
القاضى: هل لك طلبات أخرى يعنى؟
فريد الديب: أيوه صحابى ليهم؟
القاضى: يا عم إنت ليك طلبات تانيه؟
قريد الديب: انت بتكلمنى أنا يعنى؟
القاضى: أيوه بكلمك إنت شخصيا ليك طلبات تانيه؟
فريد الديب: لا أنا شخصيا مليش . بس صحابى ليهم
محامين مصر .. ام الاجنبي !!!!!!.
ورد فادي اميل "ياريييييييييييت كل واحد يجيب الميكروفون بتاعه معاه بقي وانا كده ماليش طلبات اخري ..بس صحابي ليهم هههههههههههههههههه".
وكتب أحد المشتركين بالصفحة ذاتها " هو مبارك هو اللي جايب محامين الشهداء ولا إيه ؟، هيغرقونه الله يخرب بيتهم".
كما رصدت صفحة "الملتزمين مش ضاربين بوز لقدام دول بيعبدوا ربنا وبيهزروا كمان" أطرف تعليقات
المشتركين وهي "لو مبارك آخد براءة هياخد ثواب إفطار 75 مليون صائم"، و"أنباء عن وجود عدلى القيعي في أكاديمية الشرطة لاقناع مبارك بارتداء القميص الأحمر"..."هو فين الشاكوش اللى بيبقى مع القاضي..كدا المحاكمة باطلة وهتتعاد من أول وجديد.. قالوا لمبارك احلف قال انكرها كلها تماما... دي مش غلطتنا..دي غلطة كل واحد كان ماسك المايك ومتبت فيه بايده وسنانه".
وافترضت الصفحة حوارا بين القاضي ومبارك على طريقة أحمد مكي في فيلم لا تراجع لا استسلام " القاضي: إنت أمرت بقتل الثوار؟؟
مبارك: نهوووووووون
القاضي: ثوار مصر!!
مبارك: نهييييييييين".
